للأمير / ماضي بن محمد آل عايد وهو حفيد أمير قبيلة بني هاجر ماضي بن علي بن عايد وأيضا الأمير علي بن عايد أحد رجالات الملك عبدالعزي

الشيخ نواف بن جاسي الحميداني أحد مشايخ قبيلة مطير تعرض في يوم من الايام لمشكله تم على اثرها سحب جنسيته الكويتيه لمده 19 عام حاول من خلال تلك السنوات الماضيه والطوال هو واسرته للحصول عليها عن طريق اعضاء مجلس الامه ووزراء ووجهاء قبيله وكبار شخصيات البلد ومن هنا وهناك ولكن حال الحظ دون ذلك وبالنهايه لن يكون الخلاص الا لشخص واحد وعلى يده ومجهوده والله ولي التوفيق :
أسند هذه الابيات في بدايه الأمر وهي موجهه للأمير / ماضي بن محمد آل عايد وهو حفيد أمير قبيلة بني هاجر ماضي بن علي بن عايد وأيضا الأمير علي بن عايد أحد رجالات الملك عبدالعزيز بن سعود والذي سانده في توحيد المملكه العربيه السعوديه والدوله السعوديه الثالثه :

حيث قال الحميداني موجها لابن عايد :


يا ماضي إفزع لي كلاني المزايد=كل ٍيزايد بالقضا وإجتهز له
في فزعتك بيهون ما كان كايد=لأنك ذرى المضهود وأنت معنز له
ما لك شبيهٍ بالعطا غير زايد=شيخ الشيوخ اللي عطاياه جزله
وما لك شبيه بفزعتك غير عايد=شيخ ٍليا عظم المصاب إرتكز له
أشبهك باللي عظيم ٍوقايد=وأنشهد إن مشبهك تم عزله


وقام الأمير ماضي بن عايد بإكرامه وحسن ضيافته كعادة هذه القبيله العريقه بحسن الجوار وطيب الجناب وعاهده معاهدة الرجال الأوفياء ولله دركم يا بني هاجر حيث إستعاد الشيخ ابن جاسي جنسيته بفضل الله وبجهود إبن عايد والله يبيض وجهه ليوم الدين وأنتوا كفو كفو كفو يا بني هاجر وهو فعلا شيخ الشيوخ وعسالله يرحم شيبان جابوه :
وعلى أثرها كتب الشاعر الكبير / زيد سلمي العضيلة المطيري
في جريدة الوطن الكويتية
بسم الله الرحمن الرحيم
شكرا لرجل المواقف وهننيئا
لقبيلة بني هاجر وريث الأمراء
الأمير / ماضي بن محمد آل عايد
على ما بذله من مال وجاه وجهد في حل قضية
الشيخ / نواف جاسي الحميداني
أحد مشايخ قبيلة مطير


بشرت بشرى خير والقلب حساس=الله يسر قلوب من بشروبه
نواف يا قرناس من راس قرناس=أعلن ثنانا فرصة العمر نوبه
يوم الروابع صارت أخماس وأسداس=وش كبر قيمة موقفٍ وقفوبه
الطيب ما هو ملك واحد من الناس=للكل لكن في وصوله صعوبه
يصله يابن قاسي خطو يابس الراس=أمثال ماضي فزعة امن اعتزوبه
اللي بنى في قمة المجد مجلاس=شيخ ٍتلبس نعم لبسه لثوبه
تنشر له البيضا ولد طيب الساس=اللي ليا قامو ورا علم جوبه
هواجر ٍعشاق طاله ونوماس=ووقفاتهم بين الرجال امحسوبه
من قامو بصفه ما عوُد بالافلاس=رفرف علم عزه وهبت هبوبه
كسابة البيضا وللطيب نبراس=بالعون أهل نخوه وفيهم عروبه
في ظفهم تلقى المعزه والأوناس=وخويهم يحشم وتستر عيوبه
بإسمي وبإسم مطير ربعي هل الطاس=أرفع لهم شكري بسعي ٍسعوبه


وشكرا في جريدة الوطن الكويتيه أيضا من الشيخ / نواف جاسي الحميداني المطيري

شكرا لوريث المجد والجاه والذي أنهى معاناة 19 عاما


مشكور ياللي صرت للمجد عنوان=عز الرفيق وعز من جاك عاني
والله ما مثلك شبيهٍ بالأوطان=إلا سميُـك في قديم الزماني
شيخ ٍبرز في نجد من شبته بان=عشقه علو ولا يحب الطماني
في دار أخو مريم يا ماضي لكم شان=تستاهل البيضا وجزل المعاني
عز ٍورثته يابن عايد من أزمان=وأضفت للموروث مجدٍ يباني
والله ثم والله ما تشبه إنسان=مشكور ياللي بالمعزه حواني

الشيخ / نواف بن جاسي الحميداني المطيري

مـــنــــقـــــــــــــــــــــــول