عاتق الرقاب الخضر000الشيخ ماضي بن عايد

عاتق الرقاب الخضر000الشيخ ماضي

السلام عليكم ورحمة الله وبركاته

الشيخ ماضي بن عايد

هو ماضي بن علي بن عايد بن ناجي بن محمد بن علي الشعامل الهاجري
ولد يرحمه الله سنة1328ه وعاش سبعين سنه قبل ان يتوفى بحادث مروري يوم الثلاثاء في 28 ذي الحجه
ولقب بــ معتق الرقاب الخضر لسعيه في اطلاق سراح كثير من الناس ممن حكم عليهم بالقصاص،،،،،،



من قصايده ..

نصبر إلى جانا من الوقت تقصيـر "=" وأسرارنا مـا كـل رجـل خذاهـا
أناطـح الدنيـا بـعـز وتفكـيـر "=" ونشـوف شوفـات بعيـد مداهـا
حنا هـل العليـا وحناهـل الخيـر "=" وحنا الرجال اللـي تـذري ذراهـا
مثل البديـوي يـوم عـج الدوايـر "=" شلنا حمولـه يـوم محـد قواهـا
ولا ابن جعمل يوم قلـت الأشاويـر "=" من اللي خذا العليا ومن اللي نساها
ما شفت مرمي عند حامي المقاصير "=" شيخ الشيوخ اللي بـدوره خذاهـا
ولا العويضي مـا نقولـه تفاخيـر "=" من دور الطـولات يلقـى جزاهـا
واللي مكذبني يشـوف المناصيـر "=" عادات جدانـي وأنـا مـن وراهـا
يوم بعض الناس مـا فيـه تفكيـر "=" تلقـاه يخطـي صيدتـه لا رماهـا
أمضيـع نفسـه بكثـر التساييـر "=" لا شاف ضولات المجالس نصاهـا
عـزي لنفسـه لاخذتـه المقاديـر "=" لا حطته سـود الليالـي عشاهـا
ما حط له كسب سـوات المناعيـر "=" خلا دروب المرجلـة مـا مشاهـا
والله ان مدح النفس للرجل تقصيـر "=" لاشك شيء في الضمايـر حداهـا


.................................................. .....................................


الله من عين جفـا جفنهـا النـوم "=" مما جرالي ما أحـد فاطـن لـه
أصبر على ماحل والسر مكتـوب "=" وقلبي على كثر الجلد عـادة لـه
مانيب مسكين من العـز محـروم "=" طالت حياته في الشقاء والمذلـة
ان جيت حكام فأنا مقـدم القـوم "=" وإن جيت ربعي موقفي عارف له
لا جاوني عندي لقو عز واعلـوم "=" وهرج دليل سامعـه مـا يملـه
كم ليلة عشيتهـم فطـر الكـوم "=" وحيل شحمها فوق الأجفان فلـه
هذا وأنا منصى لهم دايـم الـدوم "=" ملك لهم راسي مع المـال كلـه
اذخر بني عمـي ولانـي بمليـوم "=" ودماح لو جاني من القـرب زلـه
هم درعي الضافي الأصرت مزحوم "=" وإن صك راسي جالهم مسند لـه
هواجر يفرح بنـا كـل مضيـوم "=" كـم واحـد حملـه ثقيـل نشلـه
و وجيهنا يامن بها كـل شغمـوم "=" وان زارنا المظلوم حنا ذرى لـه
ياسامعين القول مانيـب ملـزوم "=" أقول قول ما حصـل فـي محلـه
والله أن مدحالنفس للرجل مذمـوم "=" نقص على راعيه في كـل ملـه
لا شك في صدري دواكيك واهموم "=" وقلبي هواجس الخلا مدهـل لـه


.................................................. ..................................



ياالله يااللي جميع الكون باقـداره "=" ياعالم السر و النيـات والسيـره
تفرج لمن هو زمانه عذب افكاره "=" واليا قضي له لزوم خالفه غيـره
الوقت ماهمني لو كثرت اخطـاره "=" ولا بنشـاه مـن زوده وتقصيـره
نفسي على ماحصل جبره وصباره "=" ماهمها المال في جمعه وتبذيـره
أراوز العز وابني طايـح اجـداره "=" لا خربه جاهل في شيـن تدبيـره
كشب المراجل جعلته عندي تجاره "=" يوم ان غيري يضم المال باشعيره
عاداتنا ننطـح القـإلات خسـاره "=" وإن زارنا مجرم حنا هل الجيـره
كم واحد نعتقه لا حانـت اقـداره "=" من داخل الحبس لا حلت مقاديـره
لا حط فيه الحديد وقصر اهجـاره "=" والباب دونه معسكـرة مساميـره
ناتيه في حزة ما هي لـه زيـاره "=" ونظهره والوالـي هـذه تدبيـره
ورثنا المجد ورث الجـد لصغـاره "=" حنا سنام الظهر ما في الفخر عيره
ما قلتها مدح والعـراف عـذاره "=" لاشك من واهج شبت سعاميـره
ختمت قولي عدد ما هلت امطـاره "=" علـى نبـي صـلاة الله وتقديـره
.................................................. .........................




هذه القصيده عندما سافر الى الخارج وشاف بعض الاشياء التى لاتعجبه من عادات الغرب السيئه يقول:





ياوالله اللي بان فـي لحيتـي شيـب "=" وانشهـد انـي عـارف وش سببهـا
ماقومهـا الاشـوف نـاس اجانيـب "=" والوقـت مـا ياتيلهـا فـي طلبهـا
سافرت من ربعي ولا في السفر عيب "=" العيب فـي الـى سيرتـه ماركبهـا
انشـد بنـي عمـي ولافيـه تكذيـب "=" ولاخير فـي نفـس تضيـع حسبهـا
لاجاونـي يلقـون حيـل وترحـيـب "=" وخاطـي ردوم مربـح اللـي جلبهـا
لعيون ربـع دونهـم يقنـب الذيـب "=" هواجر ساس العـرب مـن نسبهـا
لاقيل من هم قلـت ربـع مخاضيـب "=" هل سربه كـل شكـا مـن عطبهـا
واختـص عبـد الله وبلـغ تريحيـب "=" صمعـان خـلا كلمتـي ماكتبـهـا
المرجلـه ياللـي تبيهـا بتـر تيـب "=" مع خسارتها كثير ٍ تعبها
يـا لابتـي ذيـك المنايـا مراقيـب"=" لاجنبتنـي يـوم يلـحـق طلبـهـا
من دون ابن كمبش قطعت المطاليـب "=" ناطحـت حكـام كبـيـر غضبـهـا
ومشيت في درب ورى الشرع وصعيب "=" والله دفـع نفـس وحـنـا سببـهـا
حطيـت علـي طـويـل العراقـيـب "=" وخليت ضـو القـوم تأكـل حطبهـا



وكان ابوه علي بن عايد المولود عام 1872م قد ذكر في كثير من الكتب الاجنبيه خاصه في ((دليل الخليج))
للوريمر و ((أمراء من الخليج )) لنكلسون،،،

وهو اول من سكن صلاصل قبل 80 سنه


وعندما توفي الشيخ ماضي بن علي رثاه اخوه عايد بن علي قائلاً :
يالله ياعلام غيبات الليالي
........................... رافع الرايات علام السريره
إرحم اللي فاقداً له شوف غالي
........................... واحدً ماينضرب بالوصف غيره
شيخ ياللي لا رتخت قطب الحبالي
........................... شايلاً حمل وينقل حمل غيره
جعل رب البيت يجعل له ظلالي
........................... وجنة الفردوس تاتي من مصيره
نحمد الله عقّب الشيخ الرجالي
..........................الاسود اللي مضاربها خطيره