معركه الشرق والغرب

التنين الشرقى __ يستعد للقضاء على __ الديناصور الامريكى ..
30 سنة .. والناس مستحملين وصابرين على { حسنى مبارك وعلى معمر القذافى وعلى عبد الله صالح وعلى زين العابدين وعلى بشار الاسد } .. وفجأة كده يحصل اللى حصل

أصل الحكاية .. من حوالى 100 سنة فاتت , دول العالم الكبرى جات عليها لحظة بدأت تأكل فى بعضها .. دول زى { بريطانيا – وفرنسا – وروسيا – وامريكا – والمانيا – واليابان – وتركيا – وصربيا – وهولندا – وبلجيكا – والمجر – وايطاليا ... } وتشكلت تحالفات وتربيطات .. وانتهى بهم الحال الى تكوين فريقين ( فريق بقيادة المانيا ← ضد فريق بقيادة بريطانيا ) واشتغل الفريقين يطحنوا فى بعض طوال 10 سنوات ..
الطحنة الاولى استغرقت 4 سنوات [ الحرب العالمية الاولى ] بدأت سنة 1914 م ← انتهت سنة 1918 م ..
الصحنة التانية استغرقت 6 سنوات [ الحرب العالمية الثانية ] بدأت سنة 1939 م ← وانتهت سنة 1945 م ..

ليه حصل الطحن ده كله بإختصار ..
كل فريق طبعا كان يسعى الى السيطرة والهيمنة على ارزاق ومقدرات شعوب العالم والدول الاخرى زى دول اسيا ودول افريقيا وطبعا الدول المتعوسة ( المسماة ﺑ الدول العربية اللى كانت فى الوقت ده تحت الانتداب العثمانى ) ..

المهم : بعد ما انتهت الحروب دى .. وارتاحت الدنيا وهدأت الامور اجتمع كبار اشراف وسادات العالم فى بريطانيا علشان يقسموا الغنايم وعلشان يكرموا المنتصر ... ويعاقبوا المهزوم ..
ومن ساعتها .. منذ سنة 1945 م .. اتفقوا على :

- ان تتولى امريكا سيادة العالم ..
- ان يكون الدولار الامريكى هو أهم عملة فى العالم ..
- ان يتم إنشاء هيئة الامم المتحدة + مجلس الامن الدولى اللى شغلانتهم حماية الظالم ..
- ان يتم إنشاء البنك الدولى اللى شغلانته يغرق شعوب العالم فى الديون ويجعلهم تحت رحمة الدولار ..

* الكلام ده شغال من سنة 1945 م .. والعالم كله لازم يدور فى فلك الهيمنة والامبراطورية الامريكية .. ويا ويله اللى يحاول ان يخرج من قبضة الدولار .. او حتى يفكر يقول ﻠ ماما أمريكا ( لأ .. )

- شفنا ايه اللى حصل [ فى ايران ] ﻠ محمد مصدق رئيس الوزراء اللى أمم صناعة النفط الايرانى ..
- شفنا ايه اللى حصل [ فى بنما ] ﻠ عمر تريخوس رئيس جمهورية بنما اللى حرر قناة بنما من يد امريكا ..
- شفنا ايه حصل فى الاتحاد السوفيتى اللى حاول يتصدى لأمريكا ..
- شفنا ايه اللى حصل [ فى العراق ] ﻠ صدام حسين اللى فكر يبيع البترول العراقى بعملة غير عملة الدولار ..
- شفنا ايه اللى حصل [ فى ليبيا ] ﻠ معمر القذافى اللى حاول ينشئ تكتل افريقى اقتصادى ضد الدولار ..

لكن .. من الواضح ان عجلة الزمان لا تتوقف عند أحد .. ولازم تواصل تحركها ..

فى سنة 2009 م .. إتفقت روسيا مع الصين على التصدى ﻠ أمريكا ... طيب ازاى ..؟؟؟

اتفقوا على خلق ( فلك .. ) جديد , تدور فيه دول العالم .. بدلا من الفلك الامريكى ..
اتفقوا يعملوا نظام عالمى جديد شبيه بالنظام الامريكى وقاموا بإنشاء بنك كبير سموه بنك التنمية الاسيوى .. علشان ينافس البنك الدولى اللى ﺑ يستعبد الشعوب ويخليهم تحت رحمة الدولار ..
روسيا والصين .. اتفقوا مع 3 دول اخرى هى الهند والبرازيل وجنوب افريقيا على إنشاء تلك المنظومة الاقتصادية العالمية الجبارة اللى حتكون التعاملات فيها ﺑ عملات محلية بعيدا عن الدولار .. عملات أهمها اليوان الصينى والروبل الروسى ..
المنظمومة دى اسمها منظومة [ البريكس // BRICS ] اللى كثير من الدول تتمنى الدخول فيها .. للتخلص من قرف الدولار ..
دول البريكس اﻠ 5 دى .. فيهم 3 دول نووية روسيا + الصين + الهند ..
دول البريكس اﻠ 5 دى .. تنتج حوالى 17 % من صادرات العالم حاليا ..
دول البريكس اﻠ 5 دى .. تضم 3 مليار انسان .. يعنى أكثر من 40 % من سكان العالم ..
خلى بال حضرتك .. البنك الاسيوى ده شاركت فى تأسيسه حوالى 50 دولة منهم مصر .. !!

* عام 2015 .. وقعت روسيا – والصين اتفاقية :
تقوم روسيا بتصدير غاز .. للصين على مدار 30 سنة فى صفقة قيمتها 400 مليار دولار .... ولكن بعملات ( اليوان الصينى – الروبل الروسى ) بعيدا عن تناحة أم الدولار الامريكى ...

الجديد بقى ايه ..؟؟؟
في يوم
4 / 12 / 2017 م .. صحف روسية تقول : ان روسيا ستقوم ﺑ إصدار نحو 1 مليار دولار من السندات المقومة باليوان الصينى .. بعيدا عن الدولار الامريكى ..

- واضح كده .. ان هناك تنين ( وحش ) ضخم جدا برأس صينية – روسية اسمه " بريكس " بيحضر نفسه للهيمنة والسيطرة على العالم وبالتالى لازم يأكل الديناصور الامريكى فى سكته ...

◄ طيب امريكا تعمل ايه علشان تتفادى ذلك التنين البريكسى ...؟؟؟

مفيش امامها الى واحد من خيارين :

( 1 ) - الدخول فى طحنة ثالثة ( حرب عالمية ثالثة ) .. وده أمر نتائجه مش فى صالح اى حد .. !!
حرب ..؟؟ ← العملية متجيش بالحرب والخبط والتدمير ..

الخيار التانى هو :
( 2 ) - السيطرة على مصادر الطاقة وخطوط الغاز فى العالم .. ( علشان امريكا هى اللى تتحكم فى انتاج واسعار الطاقة و الكلام ده طبعا فى دول الشرق الاوسط .. يعنى لازم إعادة رسم خريطة الدول العربية وده مش ممكن يتم إلا بتكسير الجيوش العربية وإضعافها تمهيدا للتقسيم اللى حيخدم الامبراطورية الامريكية وشركات النفط البريطانية والغربية وايضا دولة اسرائيل .. )

علشان كده حصلت عندنا ثورات الربيع العربى اللى .. ..

يا ترى .. مين اللى حيغلب التانى :

التنين الصينى – الروسى الشرقى ← أم الديناصور الامريكى ...؟؟؟

تخيل حضرتك .. ان :
أجابة السؤال ده بالذات فى ايد [ مصر ] ..