غربه وسنين بتمر وتعدي غربه ومين داق العذاب ادي
غربه وعمر بيجري قوام وأيام سريعه ومش بتهدي
غربه وحرماني من اعز ماعندي
غربه ومش بكيف حد فينا
غربه ومخلصه بجد لينا غربه عماله تجري بينا
غربه وصبحنا عن ناسنا اغراب
وكل يوم بنفقد ف الاحباب
ومن غير وداع وبدون اسباب
فينا اللي ودع وفينا اللي ساب
غربه وبتسرق من الشباب
وصدق اللي قال الغربه تربه
فيها اندفن سنين حياتنا وفيها كتير زي حلاتنا
فيها اللي اتحرم من دفن ابوه
وفيهااا اللي ناس كتير عابوه
وفيها اللي من كتر الغياب اهله نسيوه
وفيها اللي علي تعبه وشقاه ياما حسدوه
وفيها اللي غرقان في همومه
وبيضحك بس عشان يعدي يومه
وفيها اللي بيهرب منها بنومه
وفيها المديون لطوب الأرض
وفيها الشقيان بالطول والعرض
وفيها اللي وشه ضلم بعد ماكان جناين ورد
وفيها الحيران من الحسبات
وفيها اللي استوي من الازمات
وفيها اللي مسلم وعيشها سكات
وفيها اللي تعب وبرضو
مات
غربه وصعبه والله ياناس
غربه ومات فينا الاحساس
غربه ومالهاش مبدأ من اساس
فيها اللي فارق كتير من غير وداع
فيها اللي بقا ليها أثير وعمره فيها ضاع
فيها اللي
زيي
انا جنازة امه محضرهاش
لا سلم عليها ولا بأس ايدها حتي الوداع مودعهاش
وتسوي ايه الدنيا بعد اللحظه دي والله الدنيا متسواش
فيها اللي فارق اغلي ناسه
فيها فعلااا اللي مات احساسه
فيها كتير وكتير وكتير
فيها اللي تعب من التفكير
فيها اللي عمل منها وحاسب ع الفواتير
وفيهااااااا كان مامنه ومشفش منها خير
غربه ومالهاش غالي ولا كبير
غربه والكل هيحاسب ع الفواتير
فيها اللي ودع ابنه وبنته
وفيها اللي فارق ياناس حبيبته
من أجل دبله اتغرب عشانها
اشتغل وشقا وتعب برضو عشانها
رجع لقها بس مفاجاه كمان معاه
طفل صغير نايم ف احضانها
قرب ليها وسالها بخوف
وقلبه ضعيف وكان ملهوف
قولي مش ابني اعملي معروف
قولي خيال اوي يمكن زوف
قولي دا حلم وبكره تشوف
قولي مش جد اعملي معروف
رديت وبصوت حزين غصب عني اصلك غبت سنين
لا لا لا ماتحوليش
قولي لا مش انا اصلاااا هي متشبهنيش
وبعدين انت غبت كام سنه جاي تعتبني اسكت متوجعنيش
تعبي وسفري خساره بجد انتي طلعتي ماتستهليش
كلمات
علي عبدالفتاح