الشاعرعبدالسلام بوجلاوى

قـصيدة اجـواد للـشاعـر عبدالسلام بوجلاوي
......................................................

كبار القيمه .
..............
الـسـلامُ عـلـيـكـم يا أكــبـار الـقــيـمــة *** يـاهـــل أعـقــول اتــنــور الميـعـاد
وياهــل أفـكـار امـوفـقـه وحـكــيـمــة *** ويا هـل ارشــاد ومـرجـله وإبـعاد
امـعـاكـم عــطــونـي لـذن فالـتـكـليمة *** انـسـاهـم ابـمـا بالـشـعـر فكري جاد
اثـمـرة الـكـلام اتـفـيـد مـو تــنـظـيـمه *** وكـلـمـة الـحـق الـمـخـلـصة جـيهاد
وعـقـل البـنـادم مـو عـلـي تـعـليـمه **** ولا كـــل مـتـعــلـم ابـعـلـمــه فـــاد
ونا بـرزتـي مالـشـعـر تـحـمل سـيـمـة **** شـهــيــره نـهــار الـــورد للـوراد
امـوصـف ولـد لجواد سمح الـشـيـمــة **** ابـقــول ايــتــردد لا بــهـــت لا بـاد
ولاخـر حـشاكـم جـداة فـي تـقـريمه **** الـكم انــقــولهـا مانـي الهـا جـحـاد
الـمـهــم عـنـدي بالـصــوادق هـيــمــه **** مـســع خــذيــت الغـيـرهـــن مـيـراد
حتى لو اتغـيـظ البعـض مـيـش جريمة **** الـصـادقـة اتـعـود ابخـير واسـتحماد
ولاعـمـرهـا حـسبت احـساب ذمـيـمـة **** ولا الـكــذب عـمـره صاحـبه اسـتـفاد
اللي فـالـقــفـا عــنـده وراه نـمـيـمة **** الـغـايـب وللـّي صـــادره مـــجـــاد
ولا تـغـيـظ من نـصحـه ومـن تـلويـمه **** الــصـاحــب ان خـلـّى دمـعـتـك بـداد
ولا كـل مـن ضحّـك انــســان حـمـيـمه **** ايـريــدله جـمـيـع الخـيـر لــه وداد
ولا كـل مــن يـنـصـح اريـاه ســلـيـمـة **** مـرات النـصـايـح خافـيات اقــصـاد
مـن خـوف ما بنيت اتصـيرله تهـديـمة **** ورا كـل صـاحــب راي لاتــنــقـــاد
الـجـرح الـعـديـم ايـزيـد في تعـديـمه **** امـفـيــت مـن يـنـظـف يـسبق الضماد
ولازم الـنـفــذ اتـصـيــرله تـخـريــمة **** ويــن الـبــيـــاد اتـرقــعــا ابّــيـــاد
وانـكـان دخـت خفت اتصيرلك توهيمة **** لله نــنــصـحـك شـاور ضنا لجواد
الـجـود فعل طـيب في انفوس رحيمة **** الـجــود تـربـيه مالمـبـتـدا واعــداد
لـجـواد طبـعـهم مني الشكر ايـقـيـمـه **** ســوا بــاديــة والاّ اصــحـاب ابـلاد
مـوش مـرتـبـط بالـقـصـر لا بالخيمة **** ولا بالـمـكــوحــل بــو ثــلاث انـضـاد
الجـود نـفـهـمـوه ونـحـسـنوا تقيـيمه **** الـجـود مـو عـلي قـوة وضعف اجهاد
ولـو ابـقـسـوا راس ولا ابقوا صريمة **** ولـو فـالـبــراقـي طـيـفـره وأعــنـاد
الـجـود مـو تـبـع كـثـرة المال وريـمه **** نـقــص فـالــعـــداد الـرقــم والاّ زاد
الجود طيب ما يسكن اقـلوب سخيـمة **** الجـود شـرف مو من صيفة المرمـاد
الجود مـو رفـيـق الجشـع بتخمخيمه **** حـتــى لـو تـصـنـع للخـطـا عـاواد
ولا يـقـبـل الـنـصــاب واتـجـلـهـيــمه **** اللــي فــالـضــلال امـطـبـق الـعـداد
امـسـكـر عـلـى الـتحـلـيـل والتحـريمة **** اعـطـابـه مـعــا رزق الـحــرام ازداد
احـسـابـه عـلـى ربـي ابـنار جحيمة **** مـن غـيـر شـك خاتـمـتـه شـقـا ونكاد
عــذاب فالـمّـات وفالـحـيــاه وخيـمة **** انـخـطـيـت الـمـال اتجـيـه في لـولاد
ومارت عـطــابــة لــصل فالـتسليمة ***** وفــأول جـــواب اتــبــان للـنــشــاد
عــلــيــه اتـغــلــب عادته الـقـديـمـة **** مـصــيـر كـل حـي ايـعـود للمعـتاد
لصيف الـمزوق مـوش دايـم ديـمـــه ****