احذر تجمع هؤلاء مع بعض

بما اننا بقينا فى الشتا يبقى لازم نعرف
المصيبة_في_الخلطة_العجيبة

فولتارين ..ديكساميثازون ..مضاد_حيوي

حرام في حق الإنسانية وحق الأجيال اللي جاية لما يجيلك واحد بشوية برد تافهين الصيدلية وتقوم مديله الخلطة العجيبة عشان يقول عليك شاطر وبتفهم .....

اتسألنا كتير عن الخلطة دي .. فولتارين وديكسا ومضاد حيوي .... ديكلوفين وديكسا ومضاد حيوي ... اختلفت المسميات والمصيبة واحدة  ....

يا جماعة الخير البرد ده عبارة عن فيرال إنفيكشن .. فيروس بياخد وقته ويروح ممكن من 3 ايام ل 7 ايام .... يبقا المضاد الحيوي هنا لازمته ايه ؟؟ فين البكتيريا اللي هندي عشانها مضاد حيوي عمال علي بطال ... احنا مبنلجأش لمضاد حيوي إلا لو الفيروس ده اتحول ل Secondary bacterial infection واللي ممكن تظهر علي هيئة سخونية شديدة جداً وإلتهاب شديد في الحلق

وردا عالناس اللي بتقول احنا بندي مضاد حيوي ك  Prophylactic from Secondary bacterial infection ... أحب اقول لحضرتك مفيش أي معلومة في الدنيا بتقول إن المضاد الحيوي بيتاخد كوقاية في الحالة دي ... بل في الدول المحترمة بيجربوا كل الطرق قبل ما يدو مضاد حيوي وبيحفزو الجهاز المناعي للمريض بحيث إن هو اللي يتغلب عالمرض ويقوم بدوره .. مبيلجأوش لمضاد حيوي إلا لما تفشل كل الطرق الممكنة .. يعني Last line هو المضاد الحيوي

ويا ريت عندنا بيدي جرعة كاملة .. ده المصيبة الأكبر انه بيدي قرص او قرصين مضاد حيوي ولو حقن بيدي حقنة واحدة وحلو اوي كده .....

فخلونا نقول حاجة للناس اللي لسه داخلين في المجال جديد ... البكتيريا ممكن تقاوم المضاد الحيوي ب 7 ميكانيزمات بدون ذكر تفاصيلهم  ... عايز تقول ايه يعني ؟

عايز أقول لحضرتك إنك لما بتدي قرص واحد مضاد حيوي او مبتكملش كورس العلاج فانت كده بتسمح للبكتيريا انها تكتشف طريقة لمقاومة المضاد الحيوي ده وبعد فترة مش هيجيب معاها نتيجة ويبقا ملوش لازمة ؟  ..... فهمني أكتر حضرتك

بص يا سيدي بالبلدي جدا ولنفرض إنك بتحارب جيش مكون من ألف فرد ... قتلت منهم 50 وباقي 950 فرد ووقفت علي كده وبعد فترة حصل ما بينكو حرب تاني ... لما تروح تهاجمهم هيكون هما اكتشفوا طريقة في الفترة اللي فاتت انهم يقاوموك ويعرفو يتغلبو عليك .... إنما لو انت ف أول مرة قتلتهم وخلصت عليهم كلهم مكانش حصل اللي حصل وقدرو يقاوموك ... زي هتلر ما ساب شوية من اليهود وادينا شايفين دلوقتي النتيجة ... المهم

نرجع لموضوعنا تاني ...  أول نصيحة بالله عليك لو اضطريت تدي مضاد حيوي ادي كورس كامل يا إما متديش خالص ... وفهم الشخص اللي بتديله الكلمتين دول بالبلدي وهيقتنع بإذن الله .. وانا بعمل كده والله وبيقتنعو .... عشان منضطرش نرجع تاني لعصر ما قبل المضادات الحيوية ويبقا علاج شوية إلتهاب بكتيري او سخونية أصعب من علاج السرطان ....

تاني حاجة للناس اللي بتقول لما بنخلط المضاد مع ديكسا بتخلي المريض يبقا زي الحصان ... أحب اقول لحضرتك المريض لو يعرف انت بتعمل فيه ايه بالديكسا دي مش بعيد يخنقك ....

الديكساميثازون .. كورتيزون مضاد للحساسية والإلتهابات .... فكرته في دور البرد انه يقلل مناعة حضرتك ... الجهاز المناعي بيروح يهاجم الفيروس ونتيجة المعركة ما بين الجهاز المناعي والفيروس بيحصل شوية حساسية بسيطة زي الرشح مثلا .... ييجي قايم المحترم مدي لحضرتك حقنة ديكسا توقف جهازك المناعي وتخليه ميهاجمش الفيروس عشان خاطر ميحسسكش بشوية الحاجات اللي بتحصل زي الرشح وتكسير الجسم ..... ونسي إنه مع كل دور برد عمال بيحشي حضرتك كورتيزون وانت بتيجي تطلبها بالإسم بعدين ومتعرفش انها عالمدي البعيد ممكن تسببلك ضغط وسكر ..... عشان خاطر بس شوية برد تافهين كان ممكن تتغلب عليهم بأي حاجة مسكنة وتعالج الأعراض وتسيبهم يروحو مع نفسهم

فالخلاصة مش أي شوية برد ندي مضاد حيوي وديكسا يا جماعة ارحمو الناس وارحمو المرضي وارحمو البشرية كلها بالله عليكم ... عالجو الأعراض بس

يعني شوية سخونية ادي يا سيدي باراسيتامول او حقنة مسكنة وخافضة للحرارة زي فولتارين .. كتافلام .. ديكلوفين .. رومارين أي حاجة خير ربنا كتير ... لو في شوية رشح ادي حاجة anti histaminic مضاد للحساسية عشان الرشح وحاجة لإحتقان الأنف يا سيدي ولا تزعل ...
عندك كونجيستال فيه باراسيتامول خافض للحرارة ومسكن ... سودوفيدرين مضاد للإحتقان ... كلورفينرامين مضاد للحساسية .. وطبعا مع الأخذ في الإعتبار الهيستوري بتاع المريض وتديله الحاجة المناسبة ... ويا سيدي يشرب سوائل دافية .. ينسون .. لمون دافي ميضرش زي الفل

لو كل واحد فكر يعمل كده والله الدنيا هتتغير وتبقا حلوة بس نشغل ضميرنا شوية والرزق علي الله .... والله رزقك هيجيلك هيجيلك محدش هياخد رزقك ... اعمل الصح وافتكر إنك بتتعامل مع الله . وآسف عالإطالة ويا ريت متنسوش الشير للموضوع ده بالذات
#منقووول

صباح الخير
الناس الي بتشتكي من وجع منتشر في العظام ،،
"نشر" فى الجسم كله بالذات الصبح اول ماتقوم من النوم ،، الام اسفل الظهر ،، تيبس -أحياناً- في المفاصل ،، لفتّ على دكاترة عظام وروماتيزم الدنيا ،، ومفيش أى تحسن واضح ،، او تتحسن وتنتكس وهكذا ..
غالبا ده نقص في فيتامين دال بالجسم

الناس دول لو خدوا الدواء ده لمدة ٦ شهور هتقضي على اعراض تماماً بفضل الله .

لو انتى "أنثى" "فقط ست مصرية" اعرفى يقيناً ان عندك نقص فى "فيتامين دال" لان نسبة النقص فيها تصل ل ٧٢٪ في #النساء_المصريااات عموماً ..

لو فكرتى بأه تحملى ،، ومع كل الڤيتامينات والأدوية اللى بتتاخد النقص بيوصل معاكى ل ٥٤٪ وهي نسبة - لو تعلمون- عظيمة.

انما لو بترَضعى ،، فنسبة النقص بتعلى لأعلى مستوياتها وبتوصل ل ٧٣٪ ودى ف حد ذاتها كارثة.

بعد سن اليأس ،، ومع تكرار الحمل والرضاعة ونفاذ المخزون ،، ٨١٪ من المصريات اللى عندهم هشاشة عظام عندهم نقص "شديد" فيها.

ڤيتامين "د" مش بس مش واخد حقه ،، لأ ده مُهمَل تماماً في توصيات الدكاترة ،،
ويوم ما يتكتب - على استحياء- بيتكتب بجرعات هايفة وداخل multivitamines لا تسمن ولا تغني من جوع!!!

انتى عارفه انك لو اخدتى كل يوم وانتى مش حامل ولا بترضعى ٦٠٠٠ وحدة ڤيتامين د (٢ قطارة ڤي دروب) ،،
هيقلل من أمراض العظام والمفاصل ،، من الاصابة بالضغط والسكر ،، مضاد للإكتئاب ،، مضاد للسرطان ،، مزود للمناعة .. وكل دى أبحاث مؤكدة في أرقى جامعات العالم ..!

طيب عارفة ان حضرتك لو حامل وخدتى ٦٠٠٠ وحدة ڤيتامين د يومياً (حوالى قطارتين ڤي دروب برضه)
بيقلل من ولادة طفل خديچ (قبل الاوان)
ومن حدوث ضغط وسكر الحمل والولادة القيصرية ( دراسات جامعة جنوب كارولينا) ،، مش كده وبس ده لقوا فى أبحاث مؤكدة ان الأمهات اللى اخدوا جرعات فيتامين د عالية في الحمل زودت وزن الطفل ١٠٠ جرام ،، وطوله ٠،٣ سم عن الأمهات اللى مأخدوش ..!!!

بلاش دى ،، عارفه طبعاً ان الطفل المولود لغاية سن سنتين محتاج ڤيتامين د بجرعات مناسبة (٤٠٠-١٠٠٠) وحدة يومياً ،،
ايه رأيك بأه انك لو أخدتى ٦٠٠٠ وحده يومياً(٢ قطارة ڤي دروب) وانتى بترضعي لبنك انتى هيطلع ٨٠٠ وحده لطفلك ومش هتحتاجى تديله أى ڤيتامين د !!!!
ده غير الفايده ليكي ولعظمك ومناعتك وسعادتك -متنسيش انه مضاد للإكتئاب ..

طيب عارفه ان ڤيتامين د آمن ليكى تماماً وان الجرعة القصوى للاستعمال اليومى ١٠،٠٠٠ وحدة دوليه ، وعشان "يترسب" عالكلى ،، ويعمل "حصوات" لازم تاخدى ٤٠،٠٠٠ وحدة يومياً لمدة شهرين عالأقل وده شبه مستحيل ...!!

طيب عارفة ان آخر أبحاث بتقول ان في علاقة وثيقة بين تساقط الشعر ونقص ڤيتامين د !!!
وكمان في احصائيات تانيه بتقول ان فيتامين دال بيحسن الحرق و بالتالي بيخسس

لو الفيدروب مش موجود هتلاقي في الصيدليه البديل ممكن تاخديه

و فيه اقراص بدل القطارة بتاخدي قرص ٥ الاف وحدة كل يوم
و في اقراص ٥٠ الف وحدة بتتاخد قرص كل اسبوع

و في كمان ابر اسمها ديفارول ٢٠٠ الف وحدة
بتتاخد ابرة عضل كل ٣ اسابيع

الجرعات ديه هي الجرعات العلاجيه للي عندهم شكوي

طيب بعد الست شهور العلاج نعمل ايه؟

نبداء ناخد الجرعه الوقائيه
عشان ميرجعش ينقص تاني في الجسم والاعراض تبداء تاني في الظهور

الجرعه الوقائيه هي قطارة كامله كل يومين

او قرص ٥ الاف وحدة كل اسبوع

او قرص ال ٥٠ الف كل شهر

#ملحوظه هامه جدا
طبعا لازم تحليل قبل البدء في العلاج لان ارتفاع فيتامين دال بردو غلط في الجسم....بيقلل الوزن والشهيه..بيعمل امساك ...بيرفع الضغط ....بيترسب علي الكلي

اكلات بها فيتامين دال
الكبده.....السمك....البيض......المشروم....

المعلومات متجمعه و منقوله من كذا مصدر
ومن د/احمدصقر رجاء عمل تحليل واستشارة الطبيب مشاركة المعلومه لاصدقائك

Dr #Abdelsalam_mostafa للمزيد اضغط هنا



#طبعا فيتامين د افضل مصدر ليه التعرض لاشعه الشمس و اكل الاسماك والبيض و الزبده و زيت كبد الحوت

#طيب_في_الصيدلييه

موجود في شكلين /

فيتامين د في الشكل العادي الغير نشط قولناها فوق /

في دروب نقط
فيتامين د3 نقط
ديفارول اس حقن
كال دي ب 12 حقن
فيتامين د 1000 , 5000 اقراص( بس ناقصه جداا)

فيتامين د في الشكل النشط ( الفاكالسيدول ) /

النقط/
الفاكالسيدول نقط
الفاكارينو نقط
وان الفا نقط
الفابينويد نقط

الكبسول / (بتركيز 0.25 , 0.5 , 1 ميكرو)
وان الفا
بون وان
بون كير

#طيب_ايه_الفرق_وايه_الافضل

شوف يا سيدي

عشان يستفيد الجسم من فيتامين د بيحصل تنشيط لفيتامين د جوه الجسم عن طريق الكبد والكلى

لما بناخد فيتامين دي العادي اللي هوه (Vitamin D2 or vitamin D3) اللي اسمهم كمان :
Ergocalciferol=vitamin D2
Cholecalciferol=vitamin D3

الاتنين دول شكل غير نشط لفيتامين د (inactive forms )
وده الشكل اللي فيتامين د موجود بيه في المكملات الغذائية والأكل

الشكل الغير نشط ده لازم يتحول الى الشكل الفعال عشان تقدر تمتص الكالسيوم ونستفيد منه

فأول ما تاكل حاجه فيها فيتامين د بيدخل على الكبد ويقوم الكبد يعمل له هيدروكسيليشون وتعطيه مجموعة هيدروكسيل(OH) في المكان رقم 25

وده مش بيبقي كافي عشان يبقي نشط #وعشان كده كمان بيمر على الكلى اللي بتروح تعمل له هيدركسيليشون في المكان رقم 1 وتعطيه مجموعة (OH)

#وبكدا بقي نشط ويقدر يقوم بوظيفته ،وعشان كدا الشكل النشط منه تلاقي اسمه الكيمائي :
1,25 hydroxycholecalciferol

#شوف_بقي_النقطه_دي

مريض الكلى لو أخد فيتامين د العادي مش هيقدر يحوله للصورة النشطة وبالتالي مش هيسفيد منه ومش هيمتص الكالسيوم عنده

وعشان كده اي مريض كلي لازم ياخد فيتامين د الفعال اللي في الصوره النشطه اللي هيشتغل علطول مش محتاج يروح الكلى عشان يتنشط
#والنوع ده اللي اسمه عندنا منتجات الفاكالسيدول اللي ذكرتها فوق
Alfacaciferol or alfacacidol
اللي هو نفسه /
1,25 hydroxycholecalciferol=active.

#هل_الاشخاص_الطبيعين_ياخدو_النوع_النشط

#بص لو حد بيعاني من نقص حاد في الكالسيوم او هشاشه ، طبعاا الشكل النشط خيار امثل بالنسبه له ،
#يعني مثلا الاطفال اللي عندهم مشكله في المشي او لين عظام او نقص حاد في الكالسيوم نقط (الفاكالسيدول) افضل بكتير من ( في دروب )

#انما اللي بياخده للوقايه فقط /
الشكل العادي هيبقي مفيد ، وممكن ياخد الشكل النشط بالتركيز الاقل اللي هو الفاكالسيدول 0.25 كبسوله يوم بعد يوم

#خلي_بالك لو هتاخد الشكل النشط في حالات الوقايه التزم بالجرعه اللي قولتها دي لان الجرعات العاليه هيعملك مشاكل صحيه في زياده الكالسيوم في الدم زي تكوين حصوات الكلي ومشاكل صحيه كتير تانيه